*** نعت پاکﷺ ***
ہر آن قول فعل سے ثابت وفا کروں
آقاﷺ کا احترام میں بے انتہا کروں
تحفے درود پاک کے بھیجا سدا کروں
آقاﷺ کے معجزوں کا بیاں با رہا کروں
ہوجائے اس نظر کو زیارت حضورﷺ کی
ہوجائے اب قبول خدا سے دعا کروں
پہنچے تھے ایک شب میں ہی آقاﷺ کہاں کہاں
معراج مصطفیﷺ پہ تو سب کچھ فدا کروں
رکھتے حضور پاکﷺ قدم جس زمین پر
ہر آن اس مقام پہ سجدے ادا کروں
معراج مصطفیﷺ کا ہے اتنا حسیں کرم
آقاﷺ کے اس سفر سے جواہر چنا کروں
پہنچے جہاں پہ آپ ﷺ فرشتے نہ جا سکے
حق ہے سلام آپﷺ پہ ہر دم کہا کروں
*** ایم اکرام الحق ***
شب معراج۔۔ 11 مارچ 2021
[4/19, 5:49 PM] Ikram Ul Haq Adbiat: *** نعت مبارک ﷺ ***
محفل میں غلاموں کی تشریف وہﷺ لائے ہیں
بازار بھی رستے بھی آمد پہ سجائے ہیں
آقاﷺ کی عنایت ہے خود سے نہیں آئے ہیں
آنکھوں کو زیارت کے جو خواب دکھائے ہیں
اب کچھ بھی نہیں اپنا دل میرا نہیں بس میں
اپنا لو غلاموں میں دنیا کے ستائے ہیں
بجھنے نہیں دینا وہ اس دور جہالت میں
آقاﷺ کی محبت میں جو دیپ جلائے ہیں
آقاﷺ کی غلامی میں راحت ہے انہیں جانا
اس خاک نشیں دل پر پہرے جو بٹھائے ہیں
پردہ ہے گناہوں پر کیا خوب کرم دیکھا
آقاﷺ نے غلاموں میں ہم جیسے بسائے ہیں
پایا ہے سکوں میں نے اس وقت عجب لوگو
جب نعت مبارک کے اشعار سنائے ہیں
آئے ہیں یہاں سارے آقاﷺ کی رضا سے حق
مجلس ہے غلاموں کی آقاﷺ نے بلائے ہیں
*** ایم اکرام الحق ***
[4/19, 5:49 PM] Ikram Ul Haq Adbiat: *** حمدیہ کلام ***
کون کہتا ہے محبت کی سزا دیتا ہے
میرا مالک تو ریاضت کو ہوا دیتا ہے
زعم جتنا بڑھے ظلمت کو صدا دیتا ہے
ایسے لشکر تو وہ کنکر سے مٹا دیتا ہے
درد جتنا بھی محبت میں خدا دیتا ہے
ذوق الفت بھی وہ اپنوں کو سدا دیتا ہے
تم ہو دنیا کے طلبگار تو شکوہ کیسا
عشق والوں سے تو پردہ بھی ہٹا دیتا ہے
جو تکبر میں گرفتار ہوئے جاتے ہیں
ان کا رتبہ تو وہ چٹکی میں گھٹا دیتا ہے
گر کوئی حکم اطاعت نہیں مانے اس کا
اپنی قدرت سے زمیں کو بھی ہلا دیتا ہے
جن کو محبوب رہے شوق شہادت بر حق
چن کے اپنوں میں انہیں جوش نیا دیتا ہے
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت مبارکﷺ ***
آپﷺ جیسا نہیں جیا ہے کوئی
ایسا دیکھا نہ رہنما ہے کوئی
آپﷺ جیسی نہیں دعا ہے کوئی
ایسا دیکھا نہ آسرا ہے کوئی
سارے کونین کو دکھایا جو
ایسا رستہ نہ پارسا ہے کوئی
اپنی امت کو بخشوانے کی
ایسی دیکھی نہ انتہا ہے کوئی
جس کا پھیلا ہو نور عالم میں
ایسا مکھڑا نہ مرحبا ہے کوئی
ہم سے بھٹکے ہوئے مریضوں کی
آپﷺ جیسی نہیں دوا ہے کوئی
کون ایسا کرم کرے گا حق
آپﷺ جیسا نہ دوسرا ہے کوئی
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت مبارکﷺ ***
جو ہوتے رہے نعت کے اشعار قلم سے
آتے رہے سرکارﷺ کے فیضان کرم سے
رکھتے نہیں نسبت جو کسی دین دھرم سے
ممکن نہیں بچ پائیں کسی طور عدم سے
جینے نہیں دیتی ہے گناہوں کی ندامت
جھکتی ہیں خطا کار نگاہیں بھی شرم سے
سب آل نبی پاک ﷺ ہوں اصحاب ہوں لوگو
عظمت کے نشاں سارے ہیں آقاﷺ کے حرم سے
آقاﷺ کی محبت کی کرامات عیاں ہیں
امت پہ عنایات کے ہر ایک قدم سے
ہر ظلم خیانت سے برائی سے خطا سے
آقاﷺ نے بچایا ہمیں دنیا کے ستم سے
کونین پہ آقاﷺ کی عنایت ہے بڑی حق
پاتے رہے محکوم سبھی شاہ اممﷺ سے
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت مبارکﷺ ***
جو ہوتے رہے نعت کے اشعار قلم سے
آتے رہے سرکارﷺ کے فیضان کرم سے
رکھتے نہیں نسبت جو کسی دین دھرم سے
ممکن نہیں بچ پائیں کسی طور عدم سے
جینے نہیں دیتی ہے گناہوں کی ندامت
جھکتی ہیں خطا کار نگاہیں بھی شرم سے
سب آل نبی پاک ﷺ ہوں اصحاب ہوں لوگو
عظمت کے نشاں سارے ہیں آقاﷺ کے حرم سے
آقاﷺ کی محبت کی کرامات عیاں ہیں
امت پہ عنایات کے ہر ایک قدم سے
ہر ظلم خیانت سے برائی سے خطا سے
آقاﷺ نے بچایا ہمیں دنیا کے ستم سے
کونین پہ آقاﷺ کی عنایت ہے بڑی حق
پاتے رہے محکوم سبھی شاہ اممﷺ سے
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت پاکﷺ ***
مجھ کو سرکارﷺ بچائیں گے سزا سے پہلے
آپ ﷺ دیدار کرائیں گے قضا سے پہلے
میرے آقاﷺ نہیں دیکھیں گے خطائیں میری
میرے اعمال نہ پوچھیں گے جزا سے پہلے
سب ہے آقاﷺ سے محبت ہی اثاثہ میرا
اپنی کملی میں چھپا لینا دعا سے پہلے
جن کو دیتے ہیں مرے آقاﷺ غلامی اپنی
ان کو کرتے ہیں عطا آپﷺ صدا سے پہلے
جن کی قربت رہی آپﷺ سے دو عالم میں
ان کا صدقہ ہے بچا لینا خطا سے پہلے
مجھ کو رکھ کر یوں مریضان وفا میں آقاﷺ
آپﷺ رکھ لیں گے مری لاج شفا سے پہلے
ایسے شامل ہو غلاموں میں مرا نام بھی حق
میری بخشش کا ہو سامان فنا سے پہلے
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت مبارکﷺ ***
میری عزت ہے میرا یہ انعام ہے
دل پہ چھایا فقط آپﷺ کا نام ہے
آپﷺ کی ذات سے منسلک ہوگیا
سب سے افضل یہی میرا اکرام ہے
شہر ایسا کوئی بھی نہ دیکھا سنا
ہر کسی کو مدینے سے ہی کام ہے
آپﷺ رحمت بنے دم بہ دم کو بہ کو
آپﷺ کے نام کا ذکر ہر گام ہے
آپﷺ ہی ابتدا آپﷺ ہی انتہا
اک ازل تا ابد سب کو پیغام ہے
زندگی کا ہدف سب ہی تب پالیا
آپﷺ کے جب غلاموں میں انجام ہے
آج حق دست بستہ ہے حاضر کھڑا
آپﷺ کے در کی ہی روشنی عام ہے
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت مبارکﷺ ***
کہکشاں ہے ہر سو عالم آپﷺ کے انوار سے
ضوفشانی چار سو ہے آپﷺ کے دیدار سے
آپﷺ داتا آپﷺ ملجا آپﷺ ماوا ہیں فقط
رحمتیں کونین کی ہیں آپﷺ کے دربار سے
سکھ یہودی یا کہ ہندو یا مسیحی لوگ ہوں
ہر کسی نے درس پایا آپﷺ کے کردار سے
ہر شجاعت ہر ہدایت ہے وراثت آپﷺ کی
بچ نہ پائے روم فارس آپﷺ کی تلوار سے
ہر سلیقہ گفتگو آداب سارے آپﷺ کے
سب روانی لہجے کی ہے آپﷺ کی گفتار سے
ہر گلی بازار میں پھیلی خوشبو آپﷺ کی
ہر سو مہکا سارا گلشن آپﷺ کی مہکار سے
حق ہے بخشش کا وسیلہ اک شفاعت آپﷺ کی
ہم نے مانگی دنیا جنت آپﷺ ہی سرکار سے
*** ایم اکرام الحق ***
[4/19, 5:49 PM] Ikram Ul Haq Adbiat: *** نعت مبارکﷺ ***
یہ جو زباں پہ مسلسل مدح سرائی ہے
عطا ہے آپﷺ کی جو نعت کہلوائی ہے
رہی ہے مجھ پہ خصوصی نظر کرم آقاﷺ
درود پڑھ کے کہیں نعت جب سنائی ہے
طلب کسی سے نہیں آپﷺ کے سوا میری
غلام آپﷺ کے در کا فقط گدائی ہے
کرم سبھی ہے ہوا آپﷺ کی عنایت سے
گلی جو آپﷺ کے میلاد پر سجائی ہے
خوشی ولادتِ سرکار ﷺ اب نہیں رکنی
یہ انبیاء نے فرشتوں نے بھی منائی ہے
کہا حقیر زمانے میں ہر کسی نے مجھے
مگر کمال ہے جو آپﷺ تک رسائی ہے
بدل نہیں ہے کوئی آپﷺ کی عطا کا حق
خدا سے آپﷺ نے امت جو بخشوائی ہے
*** ایم اکرام الحق ***
بہت شاندار پیشکش ہے۔۔۔
محترم کی شاعری کسی لاٸق تحسین و قابل داد ہے