اکرام الحق کی نعتیہ شاعری

 

Pakurdublog2020.com

اکرام الحق کا نعتیہ کلام کسی تعارف کا محتاج نہیں ان کا کلام آقا نامدار سرور کونین حضرت محمد صل اللہ علیہ وسلم سے لازوال عشق و انسیت کی گواہی دیتا ہے اور ان کی شخصیت کو ایک انفرادیت عطا کرتا ہے آج ان کا منتخب کلام پڑھنے کے بعد آپ بھی میری رائے سے اتفاق کریں گے ۔

دنیا کی ہر طلب سے قبا پاک رکھتے ہیں✨✨

✨✨آقاﷺ  کے  جانثار  یہ ادراک رکھتے ہیں 

ایم اکرام الحق

*** نعت رسول مقبولﷺ ***

💚اوج عالم شان اقدس کی  ہے دولت آپﷺ کی💚

💚ہر  شجاعت  ہر  وجاہت  ہر  امامت آپﷺ کی💚

💚آپﷺ عادل عدل پرور آپﷺ رہبر عدل گستر💚

💚عدل سارا آپﷺ  کا  ساری  عدالت آپﷺ کی💚

💚ہاتھ  اپنے  جب   اٹھائے   اپنی   امت  کے  لیے💚

💚رب نے  وعدہ  کرلیا  مانی  شفاعت آپﷺ کی💚

💚جو بھی پایا آپﷺ کے قدمین کی وہ دھول ہے💚

💚سب یہ صدقہ آپ کا ہے سب امانت آپﷺ کی💚

💚روم  فارس  زیر  کرنے   کی  غضب  تاریخ  ہے💚

💚ساری  دنیا  سے  نرالی  ہے  فراست آپﷺ کی💚

💚زندگی کا  بس  یہی  تو  ہوگا  حاصل  دوستو💚

💚قبر میں گر ہو گئی مجھ کو زیارت آپﷺ کی💚

💚آپﷺ  جیسا  دنیا  میں  آیا  نہ  کوئی  آئے گا💚

💚آخری  ہے  دائمی  ہے   حق   نبوت  آپﷺ کی💚

*** ایم اکرام الحق ***

*** نعت رسول پاک ﷺ ***

💚میری زباں  پہ  آقاﷺ  کی بس  گفتگو  رہے💚

💚ہر  دم  درود  پاک   میں   دل   سرخرو  رہے💚

💚آقا ﷺ   کی   نعت    پاک   سدا   آرزو  رہے💚

💚جب جب ہو ذکر آپﷺ کا دل با وضو  رہے💚

💚دیدار مصطفیﷺ کی عنایت  ہو  قبر  میں💚

💚آقا ﷺ  کی  ایسی   نظر  کرم   رو برو  رہے💚

💚تقلید میں حضورﷺکی جیون میں واردوں💚

💚ہر  آن  میرے   دل  کی  یہی  جستجو  رہے💚

💚سرکارﷺ  کا  کرم ہو  غلاموں  پہ  ہر  قدم💚

💚آقاﷺ  کی  ہر  کسی  پہ  عطا  کو بکو  رہے💚

💚عالم   یہ   تابناک   ہے    آقا   کریم ﷺ  سے💚

💚روشن حضورﷺ  کا  یہ  دیا  چار  سو  رہے💚

💚کونین  پر  درود  کا   پہرہ  ہے  ہر  سو  حق 💚

💚ایسے    درود    کا    یہ    اثر    ہو  بہو  رہے💚

*** ایم اکرام الحق ***

*** نعت رسول مقبول ﷺ ***

حضورﷺ آئے امید میں پھر جہان سارا ہی جان جاں ہے

چراغ روشن  ہیں  راستے  کے  یہی  مدینے کا کارواں ہے

سراج بھی ہیں منیر بھی ہیں حضورﷺ سب کے امیر بھی ہیں

نظیر ایسی کہیں نہ ہوگی کہ آپﷺ جیسا کوئی کہاں ہے

مدینے والے ہیں اپنے  آقاﷺ  جمیل  کہنا  جمال  کہنا

خدا کا پیغام  سامنے  ہے  جہان  سارا ہی کن فکاں ہے

حضورﷺ آئے  عروج  آیا خدا  کی  راہوں کو جگمگایا

اسی حوالے سے روشنی کا یہ کارواں بھی رواں دواں ہے

عروج آدم نبیﷺ ہمارے خدا کی چاہت تو آپ ہی ہیں

خدا کا تحفہ ہمارے آقاﷺ خدا کا دائم یہ آشیاں ہے

شمال مشرق جنوب مغرب درود رحمت چہار جانب

ہے ذکر آقاﷺ جہاں جہاں پر درود ان پر وہاں وہاں ہے

یہ حسن عالم نبیﷺ کا صدقہ جمال کونین بس وہی حق

سبھی محبت ہے آپﷺ کی جو زمیں پہ پھیلا یہ آسماں ہے

*** ایم اکرام الحق ***

*** نعت مبارک ﷺ ***

💚جب سے  آقاﷺ کی محبت ہے ترانہ دل کا 💚

💚کھو چکا آپﷺ میں  ہر  ایک  زمانا دل کا💚

💚جب  مدینہ   ہو گیا   خواب  سہانا  دل کا💚

💚تب  مدینہ  ہی  بنا   خاص   ٹھکانا  دل کا💚

💚دل نہ دنیا کے کسی شہر میں بھی لگتا ہے💚

💚یاد تو  بس  ہے  مدینے  میں  لبھانا  دل کا💚

💚در پہ سرکارﷺ کے مانگی ہے وفاداری بس💚

💚شاہ بطحاﷺ کی  محبت ہے  خزانہ دل کا💚

💚چین ایسا ہے  ملا  آپ  کے  در  سے  آقاﷺ💚

💚پھر نہ آیا  کسی  در  پر  بھی  لگانا  دل کا💚

💚میٹھی میٹھی ہے عقیدت  کی کہانی اپنی💚

💚اپنے  آقاﷺ  کو   سنایا   ہے   فسانا  دل کا💚

💚دل نے پایا ہے سکوں سارا مدینے  سے  حق💚

💚اب مدینے سے نہ  دامن  ہے  چھڑانا  دل کا💚

*** ایم اکرام الحق ***

*** تحفہ نعت ﷺ ***

💚آپﷺ  سے  دن  بدن  ہوگئی روشنی💚

💚آپﷺ کے عشق  میں زندگی روشنی💚

💚نور   پھیلا   مدینے   کا   ہر  اک  نگر 💚

💚پھیلی   ہے   چار  سو  آگہی  روشنی💚

💚گر  ہے  آغاز  کی  بات   تو  پھر  سنو 💚

💚میرے آقاﷺ کے در سے چلی روشنی 💚

💚ہر سو قرطاس  پر  ذکر احمدﷺ ہوا💚

💚ہر  کسی کو  وہاں  سے  ملی روشنی💚

💚چھا گئے  جب  اجالے  اندھیرے  گئے💚

💚تب  سے   ہونے   لگی  تیرگی روشنی💚

💚سب عبادت ریاضت  کے ہیں  سلسلے💚

💚زندگی     بندگی      روشنی  روشنی💚

💚ہوگئی جب سےہجرت کی تکمیل حق💚

💚تب   مدینے   سے   آنے   لگی روشنی💚

*** ایم اکرام الحق ***

*** ہدیہ نعت  ﷺ ***

💚شاہ  بطحا ﷺ   ہمیں  تنہا  نہیں رہنے دے گا💚

💚دل کی نسبت  کبھی خفیہ  نہیں رہنے دے گا💚

💚دل  مدینے   میں   لگانا   نہیں    مشکل  ہوگا💚

💚درد  جیسا  بھی   ہو   گہرا  نہیں رہنے دے گا💚

💚دل  کے  ارمان   سبھی  پورے   ہمارے  ہونگے💚

💚دل کےخوابوں کو بھی سپنا نہیں رہنے دے گا💚

💚جب  غلامی  کا   ہے  سرکارﷺ  سے  ناتا اپنا💚

💚ایسا    ناتا     کبھی    مردہ  نہیں رہنے دے گا💚

💚دل  نے  چاہی ہے  فقط ایک غلامی انﷺ کی💚

💚دل   ادھورا    کبھی     اپنا  نہیں رہنے دے گا💚

💚بند  آنکھوں   سے   بھی  دیدار  ہوا   کرتا  ہے💚

💚ایسے   تشنہ   کبھی   جذبہ  نہیں رہنے دے گا💚

💚جن غلاموں کی طلب ٹھہرے فقط آقاﷺ حق💚

💚ان  غلاموں  کو  بھی  تشنہ  نہیں رہنے دے گا💚

*** ایم اکرام الحق ***

*** نعت رسول پاک ﷺ ***

💚نور سارا ہی انﷺ  کی  بصیرت میں ہے💚

💚ہر  زمانا  ہی   آقا ﷺ  کی  امت میں ہے💚

💚زندگی  کا  اگر  کچھ  بھی  مقصد ہے تو💚

💚میرے سرکارﷺ کی بس محبت میں ہے💚

💚آپﷺ کے در سے ہی پاتے ہیں ہر خوشی💚

💚عاشقی ہم  غلاموں  کی  فطرت میں ہے💚

💚واسطہ سارے جیون  میں آقاﷺ سے ہو💚

💚زندگی آپﷺ  کی  بس  عقیدت میں ہے💚

💚اس  جہاں میں  سکوں  پانے کا  جان لو💚

💚سلسلہ  سب  مدینے کی  صورت میں ہے💚

💚عشق  دنیا  میں  ملتا  کہیں  بھی  نہیں💚

💚جو مزہ میرے آقاﷺ سے نسبت میں ہے💚

💚ہر  صداقت ہے  میراث  آقاﷺ  کی  بس💚

💚حق بیانی تو  آقاﷺ  کی سیرت میں ہے💚

*** ایم اکرام الحق ***

*** نعت رسول مقبول ﷺ ***

💚نصاب  دنیا     ہمیں    بتانے   حضورﷺ آئے💚

💚جواز  محشر   ہمیں  دکھانے  حضورﷺ آئے💚

💚تھی التجا مستقیم راہوں  کی  جب خدا سے💚

💚گناہ  کے   رستے   سے   ہٹانے  حضورﷺ آئے💚

💚اندھیرنگری میں ہو رہی تھی بتوں کی پوجا 💚

💚خدا  کی راہوں کو  جگمگانے  حضورﷺ آئے💚

💚زمیں  کا  چہرہ  ستم  گری  سے  اٹا  ہوا تھا💚

💚جبین   کونین   کو    سجانے  حضورﷺ آئے💚

💚زوال  ہستی  کا  دور  دورہ  جہان  میں  تھا💚

💚عروج   آدم   کا   دور    لانے  حضورﷺ آیے💚

💚غلام سارے حضور کے دل میں جی رہے ہیں💚

💚سبھی غلاموں کو  بخشوانے  حضورﷺ آیے💚

💚نشان باطل  زمیں پہ  غالب  تھے روم فارس💚

💚قریش  والوں  کو  حق دلانے  حضورﷺ آئے💚

*** ایم اکرام الحق ***

قارئین کی رائے :

“ادبیات کی روح رواں اور سب سے معتبر شخصیت کی اس قدر خوبصورت پہچان اور زندگی میں شامل آپ کی مختصر ادبی خدمات سے پردے اٹھاتا یہ تعارف بہت خاص ہے ۔آپ کی شاعری فنکارانہ شاہکار کا کمال ہے نعت مبارک ہو یا حمدیہ کلام  آپ کی گہری دلچسپی اور قلم کی طاقت سے کسی کو انکار ممکن نہیں آپ کا پیشتر لکھا گیا مضمون احاطہ عشق رسول صلی اللہ علیہ کا منہ بولتا ثبوت ہے ۔اس کے علاؤہ آپ نے بھاری بھر کم اور ثقیل الفاظ استعمال کرنے کے بجائے سادہ اور عام قاری کی دلچسپی کے پیش نظر عام فہم تراکیب اور الفاظ استعمال کرتے ہیں نثر ہو یا شاعری آپ کا شعر وسخن آپ کی شخصیت کی جھلک ہے آپ کے ہر شعر ہر تحریر میں آفاکیت ، محبت ،آزادی اور مذہبی وابستگی منسلک ہے۔آپ کا قلم ایسے ہی مزید وسعت اور طاقت قائم رکھے اور آپ مزید سرفرازیاں سمیٹیں ۔۔۔اور گروپ ادبیات قیامت کی سحر تک ادب شناسوں کی یوں ہی خدمت کرتا رہے آمین”

(مہتاب شہزادی)

“قابلِ قدر مکرمی اکرام الحق کی شخصیت گوناگوں خصوصیات کی حامل ہےپ آپکےقلم کی روانی، خوب صورت تخیل سے آراستہ سخنوری، عام فہم لفظوں میں خاص بات کہنے کا ہنر  منفرد ہے اللّٰہ پاک عمر، علم اور صحت میں برکت عطا فرمائے. آمین”

  (یوسف قدیر)

“اکرام صاحب ایک بھرپور شخصیت کے مالک اور ایک مایہ ناز شاعر ہیں۔۔۔۔ ان کی کلام میں انفرادیت کا عنصر بہت نمایاں ہوتا۔۔۔ “

(نوید اقبال بھٹی)