احسان علی احسان

 سوال نمبر ا-آپ کا اسم گرامی کیا ہے؟

جواب: احسان علی

سوال نمبر2- آپ کا تعلق کہاں سے ہے؟

جواب:شاہکوٹ

سوال نمبر 3- آپ کی تعلیم کیا ہے ؟

جواب: ایف- اے

سوال نمبر4- آپ کو شاعری کا شوق کب ہوا؟

جواب:2016میں۔

سوال نمبر 5-شاعری میں آپ کے استاد کون ہیں؟

جواب: محترم نصرت عارفین صاحب۔

سوال نمبر 6-اپ کون سے شاعر کو پسند کرتے ہیں؟

جواب: علامہ اقبال

سوال نمبر 7۔اور کیوں پسند کرتے ہیں؟

جواب: کیونکہ ان کا کلام حقیقی اور انقلابی ہے۔

سوال نمبر 8-اپنے ہم عصر شعراء میں کون سے شاعر کو پسند کرتے ہیں؟

جواب: اظہر فراغ بھائی

سوال نمبر 9-شاعری کے علاوہ کسی اور صنف ادب پر قلم اٹھایا؟

جواب: نہیں جناب

سوال نمبر 10-اپنا پسندیدہ کلام سنائیے

جھگڑا   مٹا     سکے    جو    نبردِ   حیات  کا 

بندہ  کوئی  بھی  ملتا  نہیں  ایسی  ذات  کا 

اے زندگی  کوئی  نہیں  تجھ سے گلہ مجھے 

پایا   وہی   جو   لکھا   تھا   میری   برات  کا

گزری ہے  میری  زندگی    صحرا  میں دوستو 

کیسے  کروں   میں  تذکرہ    نخل  و  نبات کا 

عریاں   ہیں   اب   بدن  نہیں  باقی رہی حیا  

کیا   خوب    اٹھ    رہا   ہے   جنازہ   بنات  کا 

ہر شخص  آقا  تجھ سے شفاعت ہی مانگے گا 

جب  حشر   میں   حساب  ہوا   بات  بات  کا 

محشر  میں آپ ہی  کا  سہارا    ہے    یا  نبیؐ 

سرکار    آپ    ہی   ہیں    وسیلہ  نجات   کا

  

ہم کچی بستی والوں کو  ہم کشتہ حالوں کو

تا    عمر       انتظار       رہا       معجزات   کا 

درماندگی  نے  مار  دی  ہیں خواہشیں سبھی 

خوگر  مگر  یہ  دل   ہے   مرا    خواہشات  کا 

ہر  روز  ڈور   ٹوٹتی  ہے  میری   سانس  کی 

دھاگہ  بنی   ہوئی  ہے  یہ چرخے کی کات کا 

احسان _____کون  اترے گا  تیرے خمیر میں 

مجمع   لگا    ہوا    ہے     وہاں    حادثات  کا 

احسان علی احسان

سوال نمبر 11-اپنی زندگی کا کوئی دلچسپ واقعہ بیان کریں؟

جواب: کوئی نہیں

سوال نمبر 12-کوئی ایسی شخصیت جس سے ملنے کی خواہش ہو؟

جواب: میرے استاد محترم نصرت عارفین

سوال نمبر 13۔پاکستان اور ہندوستان کے شعراءمیں کیا چیز مشترک نظر آتی ہے؟

میرے خیال میں شاعری کیفیت کا نام ہے اور کیفیت ہر دوسرے شخص کی مختلف ہوتی ہے۔شارجہ ابھی ہی اچھا لکھ رہے ہیں۔

سوال نمبر 14۔آپ نے شاعری ہی کا انتخاب کیوں کیا؟

جواب:شاعری کا انتخاب اس لیے کیا کیونکہ مجھے اپنے جذبات اور احساسات کو زبان دینی تھی۔

سوال نمبر 15۔آپ کے خیال میں آپ کی شاعری میں کیا انفرادیت ہے؟

جواب: یہ تو قاری ہی بتا سکتا ہے۔

پھینکا  بشر  بہشت  سے  ایسے   نکال  کر 

 پانی  نکالے  جیسے   یہ   ساگر اچھال کر 

تیرے  ہی دم سے  چلتا ہے جب قافلہ بہار 

پھر ٹھہری  اس چمن پہ   خزاں آبسال کر 

نکلا   بلند    حوصلہ    لے   کر   زمین  زاد

لوٹے  گا  اب  کمند   ستاروں   پہ  ڈال  کر

اے  کاروانِ زیست   ٹھہر  جا تو اب کہیں 

میری  شکستہ  پائی کا کچھ  تو خیال کر 

جس نے نمو  کا مرحلہ رکھا ہے جسم میں 

لے جائے گا وہ  پنچھی  قفس سے نکال کر

اس   بھوک  نے   بنایا   جسے   لقمہِ   اجل  

اس  کو  شکاری  لے بھی  گیا  دانہ ڈال کر

دریا  ابھی  کرال   تک   آیا  نہیں  ہے  ادھر

لے  جاؤ  اپنی بستی سے  یادیں سنبھال کر 

زاد و زبوں یہ  شہر  ہے لوگوں سے جا کہو

رکھیں    ہتھیلیوں  پہ    کلیجے  اگال  کر 

بادِ  خزاں  بھی  رو  پڑے  آتے  ہوۓ  ادھر

تو  گلشنِ  حیات  کی  یوں دیکھ بھال کر

سوکھا  ہوا  شجر  ہے  مری  زندگی کا یار 

اپنی   محبتوں   سے    اسے   تو  نہال کر 

آنکھیں اٹھاکے دیکھیں یہ اہلِ سخن تجھے 

احسان  پیدا   ایسی   یہاں   تو   مثال کر 

احسان علی احسان

بجھ  جاتا   ہے   مگر   وہ   اثر   چھوڑتا  نہیں 

دودِ _____چراغ   اٹھتا   ہے  کشتہ  چراغ  سے 

مہکا  ہوا ہے مجھ میں  جو  خوشبو  سا تاہنوز 

 وہ  شخص  کیسے  نکلے  گا  میرے  دماغ سے 

گیسو   کھلے   جو   تیرے   تو  یہ   واقعہ   ہوا 

اڑتی رہی  تھی    تتلیاں   بے   خوف  باغ  سے

پھیلے  ہوۓ   ہے  چاروں   طرف   درد ہائے دل 

دامن   بچا  نہ   کوئی   محبت   کے   داغ  سے 

اُن  نیم  باز   آنکھوں  کی  مستی  نہ  پوچھئے 

ساقی  بھی   ہاتھ   کھینچ  لے   اپنا  ایاغ  سے 

سرکار _______ آنا  آپ   کا  ایسا  ہے  دہر میں 

جیسے  اندھیرا  چھٹتا   ہے  روشن  چراغ سے

آنکھیں اٹھا کے  دیکھیں  گے  اہلِ سخن مجھے

شاہین   بن  کے  نکلوں  گا   نصرت کے باغ سے

احسان علی احسان

زندہ رہنے______ کے  لئے  یہ  سلسلہ  رکھا گیا 

آدمی  کا   آدمی______  سے   فاصلہ  رکھا گیا 

کون  دے  کتنا  ثمر  یہ  . بھی  نہیں دیکھا گیا 

جب   درختوں   پے   نمو   کا  مرحلہ  رکھا گیا

تو رہا تو زندگی بھی چل رہی تھی ساتھ ساتھ

بعد  تیرے   پھر  کہاں  یہ   حوصلہ   رکھا  گیا

آئنہ ________بھی کوستا ہے دیکھنے پر آجکل

ایسا _______میری ذات پر اک اشغلہ رکھا گیا

خوف کھاؤں  مشرکینِ__ دہر  سے اب کس لیے

میرے  دل  میں   لا  الا   کا  اسلحہ   رکھا  گیا

مر نہ جائیں بھوک  سے  بچے  تڑپ کر  دوستو 

میرے پرکھوں کا یہ مجھ میں مسئلہ رکھا گیا

 اس لیے بھی گر  گئی   دیوار  سیدھے ہاتھ کی

رہزنوں  کا  میرے  گھر   سے   راستہ  رکھا گیا 

ایک یہ عالَم کشندہ _______اک جہانِ باقی وہ 

سامنے   دونوں    جہاں   کا  . فلسفہ  رکھا  گیا 

میرے مولا کی شفاعت کھول دے گی در سبھی

خلد کا آسان کتنا  __________  داخلہ رکھا گیا

احسان علی احسان

آج________ تو   اتنا  رلایا  جائے 

درد    آنکھوں    سے   بہایا  جائے 

اک ____ تمنا  اٹھی ہے سینے میں 

وہ     لٹا    شخص     کمایا   جائے 

بیٹھ  کے  حال  کی  گاڑی میں آج 

ماضی   کا    پہیہ    گھمایا  جائے 

ساقیا_____  تشنہ  لبی مر رہی ہے 

عشق ____  کا   جام    پلایا  جائے

جابجا  چھلکے   ہے   یہ   بے  کسّی

آنکھ  سے   غم   نہ   چھپایا  جائے

نیک  و بد  چھوڑ  دو تم محشر پر 

کیا  _____خبر کون  جلایا    جائے 

  

موت  ہو  سکتی   ہے  واجب پر اب 

ہاتھوں   سے     ہاتھ   ملایا   جائے 

تیلیاں  مرتی  ہوئی  کہہ  رہی ہیں 

اجڑے   گلشن    کو    بسایا   جائے

ہم    سے   برباد   ہوۓ    حالوں کو

تگنی_______ کا    ناچ نچایا جائے

نوچ ڈالیں  گے  یہ وحشی سے لوگ 

برہنہ_____ تن   کو    چھپایا  جائے 

کچلا  جاتا  ہے  وہ  بے  رحمی  سے 

سر  جو  در  در   پہ  جھکا یا جائے

زندگی   تیرے    تعاقب  . میں  اب 

بسترِ _______مرگ   بچھایا  جائے

احسان علی۔ احسان

جب   نظر    تیری     یار   ہو  جائے 

پھر   خزاں   بھی    بہار   ہو  جائے  

جانتا  ہوں  کہ  تو  جسے   چھو لے 

گوہرِ___________آبدار    ہو   جائے 

جس   کو   ملتا  ہے  پیار  سے  پانی 

وہ   شجر   سایہ    دار    ہو   جائے

کشتیاں  ڈوب  بھی  تو سکتی ہیں

جھیل   جب   موج   دار  ہو  جائے

دیکھ   کر  سر    بریدہ   مفلس  کو 

آنکھ ____  یہ   زار   زار   ہو  جائے

جس  ندی  میں   تو   ہاتھ  ڈالتا ہے 

وہ    ندی     بے     قرار     ہو   جائے

ظلم      ہوتا   ہے   پھر   چراغوں  پر 

جب     ہوا     زور    دار    ہو    جائے 

سر   بہ    سر     آؤ      رفتنی    لوگو 

موت      کا       انتظار      ہو    جائے 

جس    گھڑی      زلفِ     یار    لہرائے

یہ     فضا     نغمہ     بار     ہو   جائے

نیند  غالب  ہو  جب  بھی  غفلت  کی 

آدمی______   تار      تار     ہو   جائے

عشق    بازی   کا   پوچھتے    کیا   ہو 

جیت    جانے    پہ     ہار     ہو   جائے

احسان علی احسان

ظلم   __اتنا    ہوا    بہاروں   پر 

تتلیاں   گر  پڑیں  ہیں خاروں پر 

کشتیاں کیا  لڑیں  گی  دریا  سے

حوصلہ ______ ہار کر کناروں پر

میں اگرچہ   زمیں۔  کا باسی ہوں 

پر  نظر   ہے   مری    ستاروں  پر

ریل چلتی رہے   گی  گھڑیوں کی

آنکھ ٹھہرے گی  کب نظاروں پر 

مر مٹے حسنِ   زن پہ  جو شاہیں

کیسے    ڈالے    کمند    تاروں  پر

 مر   گئی    ہیں   محبتیں  ساری

بس   یہی   بوجھ ہے  کہاروں پر 

جو    نگینے    تلاش    کرتے  ہیں

ظلم   کرتے    ہیں   کوہساروں پر

وہ  پرندہ  بھی  تشنگی  سے مرا

جس کا  مسکن  تھا  آبشاروں  پر

صرف  روٹی  کے  واسطے احسان 

زندگی  ______وار دی غباروں پر

احسان علی احسان

ہاں    بعد   تیرے  گزرا   ہم   پر  عذاب سا 

دل   بن   گیا   ہے  میرا  جل  کر  کباب  سا 

اتنی  پڑیں  ہیں در در سے ٹھوکریں مجھے  

 کانٹا بھی  اب لگے ہے  مجھ  کو گلاب سے 

کیا تک  رہے ہو  میرے  چہرے  پہ  دوستو 

میں   اک  سوال  ہوں  ہائے    لاجواب  سا 

جو  قید  تھا  پرندہ  میرے  قفس میں یاں 

نکلا  ہے  ہاتھ  سے   وہ  بن  کر  عقاب  سا 

دل  چھوڑنے  پے  اس  کو   آمادہ  ہی نہیں 

وہ   ایک   شخص  میرا  کل   اکتساب سا

یہ سوچتے  ہوۓ  گزریں  میرے روزو شب

تم  چاند  جیسے   ہو  یا   چندا   جناب سا  

جو  اس  کو  تھامے   ہستی  اپنی  سنوار لے 

ساتھی  نہیں   کوئی   بھی  اچھا  کتاب سا 

جز بندگی  کے  باقی   کچھ  بھی  نہیں  رہا  

اک دل تھا  پاس   میرے  وہ بھی خراب سا 

پڑنا ہے  اک  طمانچہ   بس  وقت  کا  تجھے 

ڈھل  جانا ہے   یہ   تیرا  حسن  و شباب  سا

احسان علی احسان

جان بسمل  کشت  و خوں جب ہو گئی 

زندگی   پہلو  میں  سر  رکھ   رو  گئی 

 

جو پھری ہے  دشت  میں بے دست و پا 

نیند  وہ  آنکھوں  سے  میری  کھو گئی 

یوں  صبا   نے   رکھا   الفت   کا  بھرم 

دل  جلا  تو میلوں   تک  خوشبو   گئی 

خاک   میری    ہونے   کو    ہے   در  بدر 

زندگی  پوسہ  پہ  رکھ  کے   سو   گئی 

جوش   اب  احسان   دل    میں آئے  نا 

تھی  ہوائے    شوقِ    دل  وہ   تو  گئی 

احسان علی احسان

لمحہ     لمحہ      ہستی     کا      آزار   ہو  جائے 

تیرے   بن  یہ     زندگی      دشوار      ہو   جائے 

روگ    ہجرت   کا    اسے    کھاتا     ہے  جڑ  تک

چڑیوں سے   خالی     شجر   جو    یار  ہو  جائے

 

دیپ    الفت      کے       جلاؤ          زیرِ    دامن

روشنی      پھیلے     سرِ____   بازار    ہو   جائے

وہ    نکالے __      کھود       کر       نہرِ    محبت 

کوہکن     کے     آگے     گر     کہسار    ہو   جائے 

لگنے   لگتے    ہیں      گھڑے   کچے   بھی    پکے 

گر   محبت   نہر       کے    اس       پار  ہو  جائے 

 جب  نکلتا______  یار     وہ     سیرِ   چمن  کو

تتلیوں  کی     پھولوں    سے     تکرار   ہو  جائے 

 پھر   بغاوت________    پر   اتر    آئیں  بہاریں

جب   خزاں    کا       مرحلہ  دشوار    ہو   جائے

یار   مجھ  کو   تو    بسا    لے   اپنے    دل  میں 

یار    مرا    بھی    کوئی   گھر     بار   ہو   جائے 

روگ   میرے   ہاتھ    کی  ریکھا     میں  ہے   یہ 

چھو لوں  میں جس   پھول  کو وہ  خار ہو جائے

احسان علی احسان

قیامت  جو  میرے  سر  پے   کھڑی ہے 

یہ   تیرے   دور  جانے کی    گھڑی  ہے 

سحر خیزی   تھی  یارو  چل  پڑا  ہوں

مگر    جانے     کہاں    منزل   پڑی  ہے

 اٹھا لے    .  .  .  . ساقیا  جامِ صبوحی 

مجھے تو یار   .  .کی مستی چڑھی ہے 

ترا    تو     مسئلہ     ہے   دل  لگی  کا 

مجھے  روٹی     کمانے   کی    پڑی  ہے 

بہاریں ربط  میں  مجھ   سے   رہی ہیں 

بدن   سے   پھول  کی   پتی  جھڑی  ہے 

نہیں  اترے   گی  یہ  الفت   کی   چادر  

جو  شاخِ   نخلِ    ہستی  سے  اڑی   ہے 

ہوا   احسان  ___   کب   اُس  کا  مداوا 

کلی  جو   پورے   گلشن   سے   لڑی  ہے 

احسان علی احسان